tanid.do.am

Миний мөрөөдөл

venera — Wed, 24 Sep 2014 02:09:35 GMT

Надад маш их хайртай, халамжтай би өөрөө ч бас түүндээ маш их хайртай тийм хүнтэй учраад олон сайхан хүүхдэд төрүүлээд сайхан амьдрах л мөрөөдөл минь юм даа. Үүний тулд би нэр төр цэвэр, ухаалаг уужим сэтгэлтэй, хүнийг хайрлах зүрхтэй байна. Ер нь бол одоо ч тийм. Эмэгтэй хүн өөрөөсөө бүх юмаараа нэгээр илүү хүнтэй гэрлэж байж жаргадаг гэдэг. Тийм учраас би мундаг хүнтэй суухын тулд өөрөө ч ялгаагүй төдий хэмжээний байх ёстой. Оюун ухаан, бие бялдар, сэтгэл санаа, нийгэмд эзлэх байр суурь гээд бүхий л зүйлээ улам баттай болгож, цаг тутам нэмэгдүүлэх зайлшгүй шаардлагатай. Миний ирээдүй ч сайхнаар л харагдаж байна шүү хихи. Ажлаа тарах үед найз залуу минь ирж аваад, тансаг зоогийн газар оруулаад бөгж өгөөд "чамаас өөр надад юу ч хэн ч хэрэггүй, надтай хамт насан туршдаа амьдраач" гэж хэлээд аз жаргалтай амьдралаа эхлүүлэх тийм л жинхэнэ хайртай учрах болно. Тэгээд түүнтэйгээ үүрд хамтдаа эрүүл энх, элэг бүтэн яг л мөрөөдөл шиг амьдрана.

"Yahoo"-ийн хэрэглэгчид нууц үгээ яаралтай солиорой!

venera — Tue, 04 Feb 2014 06:48:16 GMT

Манай улсад "Yahoo Mail” хаяг ашигладаггүй хүн ховор биз ээ. Фэйсбүүк, твиттер зэрэг сайтуудыг ашиглахдаа хүртэл тус хаягаараа холбогддог шүү дээ. Тэгвэл өнгөрөгч сарын 30нд тус компани хакеруудын халдлаганд өртсөний улмаас хэрэглэгчиддээ мэйл хаягийнхаа нууц кодыг яаралтай солихыг санууллаа.

Хакерууд хэрэглэгчдийн хоорондоо солилцсон мэдээллийг хулгайлах зорилгоор нууц үгийг нь эвджээ. Тиймээс компанийн зүгээс "Yahoo Mail” хаяг нь хакерийн халдлагад өртсөн хэрэглэгчдийг нэн даруй нууц үгээ солихыг анхааруулсан байна. Хүмүүс флашаа хаях, компьютер эвдрэх зэрэг гэнэтийн асуудлаас болгоомжлон yahoo хаяг дээрээ хэрэгтэй зүйлсээ багцлан хадгалчихдаг. Тийм ч учраас бусдад хэрэгтэй мэдээллээ алдах эрсдлийг тооцоолоод нууц кодоо солихыг зөвлөе. Харин Password-оо солихдоо гаднаас ирж буй саналын дагуу биш Settings цэс рүүгээ орж байгаад солиорой.

Шар тайлах аргууд

venera — Mon, 03 Feb 2014 07:18:18 GMT

Алкохолтой зүйл хэтрүүлэн хэрэглэсний маргааш хамаг бие чинь хөндүүрлээд, дотор муухайраад, салганаж чичрээд байгаа бол та шартжээ гэсэн үг. Тэгвэл хамгийн хурдан, баталгаатайгаар шараа тайлах хошин аргыг зааж өгье! \Үргэлжлэлийг гарчиган дээр дарж үзнэ үү\

Миний дуртай баяр “Цагаан сар”

venera — Mon, 03 Feb 2014 05:07:56 GMT

Монголчууд эртний тэнгэр байгалийн өнгө, салхины аяс, газраа чагнах, нар, сар, од гаригаар зүг чиг болон цагийг тогтоож нүүдлэн амьдарч ирсэн улс. "Цагаан сар”-ын баяраа элбэг дэлбэг, өнгөтөй өөдрөг сайн сайхан бүхнийг билэгшээн муу муухай зүйлсийг эцэс төгсгөл болгон цээрлэж намар мал тарган цагаан идээ элбэг дэлбэг үед "Цагаан идээний баяр” гэж тэмдэглэдэг байсан бөгөөд 1206 онд Чингис Хаан Их Монгол Улсыг байгуулаад, цагаан сарыг хаврын эхэн сард мал төллөж, идээ цагаа, өвс ногоо дэлгэрч байх үеэр тэмдэглэвэл зохилтой хэмээн зарлиг буулгажээ. Үүнээс хойш цагийн аясыг даган жилийн өнгийг монгол зурлагаар, од гаригсын байршил, сарны тооллоор тооллоор хаврын эхэн сарын шинийн 1-нээс эхлэн тэмдэглэдэг болсон уламжлалтай. Монголчууд сүүг эх хүний эрхэм нандин сэтгэлээр дээдлэн билэгшээн тэнгэр байгаль эхдээ сүүн цацлаа өргөн ирсэн. Сүү цагаа гэж хэлдгээс үүдэн сүү шиг ариун нандин цагаан амьдралыг билэгшээн "Цагаан сар” хэмээн нэрийджээ.\Үргэлжлэлийг гарчиган дээр дарж үзнэ үү\

Би мэргэжилдээ хайртай

venera — Mon, 03 Feb 2014 02:40:50 GMT

lЯахав цалин бага, ачаалал их гээд асуудал олон бий. Гэхдээ мэргэжилдээ хайртай, гэр бүлээ умартан байж бүхий л цаг хугацаагаа ажилдаа зориулахдаа би харамсдаггүй ээ. Миний хувьд би багаасаа л энэ мэргэжилдээ хайртай дуртай байсан сан. Зурагтаа унтрааж байгаад л харанхуй дэлгэцэн дээр ойх өөрийн дүрсээ харж байгаад харандааг микрофон болгон бариад л "Эрхэм хүндэт үзэгчиддээ энэ өдрийн мэндийг хүргэе!" гээд л ярьж өгдөг байлаа. Жаахан томроод л уран жиргээ, хүрэл тулга, монгол хэний олимпиад гээд л энэ төрлөөрөө нэлээн явсаны эцэст мөрөөдлийнхөө хаалгыг нээж Монгол Улсын Их Сургуулийн Сэтгүүл зүйн ангид амжилттайгаар элсэн орж билээ. Даанч төгсөөд телевиздээ орж ажиллаж чадаагүй ээ, санхүүгийн зээлтэйн улмаас сайн цалинтай ажилд орох шаардлага гарсан гэхдээ бас төсөөрчихгүйгээр телевиз биш ч гэсэн сэтгүүлчээрээ ажиллаж их туршлага хуримтлуулсандаа харамсдаггүй ээ. Харин одоо бол өөр. Би мэргэжлээрээ телевизэд ажиллаж карьер хөөнө өө. Чадах чинээгээрээ чармайна, хүссэндээ хүртэл хичээнэ, санасанаа автал сарвайна аа. Дээр дурьдсан жиргэгчийг сэтгүүлчийг магттал мундаг редактор болно оо. Миний бичвэрийг уншиж буй та ч бас өөрийн хүсэл мөрөөдлөө хэзээ ч битгий орхиорой. Сэтгэл байвал сэрээгээр ч шөл ууна, Зүтгэл байвал зүүгээр ч худаг ухдаг юм шүү! Амжилт хүсье!

easy english

venera — Sat, 30 Nov 2013 03:27:25 GMT

Англи хүүхдүүд аймар лаг тэ? Англиар аймар ярьдаг гэж манай хамаатны ах хошигнож билээ. Үнэндээ нэг бодлын Англи,Америкчууд азтай ч юм шиг. Дэлхийн нийтэд хүлээн зөвшөөрөгдсөн энэ хэлийг бүрэн эзэмшчихвэл гадаадын аль ч их сургуульд тэтгэлэгтэйгээр суралцах, чадвар нь байвал цаашид ажиллаж амьдрах алтан боломжууд ар араасаа цуварсаар... Энэ их хялбар шүү дээ. Чи зүгээр сурчихад л болоо. Гэхдээ яаж гэдэг нь гол нь. Зиакк ингээд би өөрийн түүхээ та бүхэнтэй хуваалцъя. Би гэдэг хүн их хэлний авъяасгүй ээ. Ядаж байхад 10 жилдээ орос хэл үзчихсэнийг ч хэлэх үү? Их сургуульд 6 кредиттэй англи хэл дээр унаж шившигээ тарьж байсан гээд боддоо ичиж үхмээр ийм л баагий байлаа. 10 жилд нэг "Жаргалтай залуус" гээд сургалтын төвд явлаа. Жаахан захтай боллоо.Их сургуульд байхдаа Сантис боловсролын төвд явлаа. Мартаж байсан захаа жаахан сэргээлээ. Бас л амжилтгүй. За тэгээд англи хэл амь биш заяа биш сурахгүй бол тэр л биз гээд орхилоо. Бас үгүй л дээ, гүй л бадаг байхгүй юу? Дажгүй ажилд оръё гэвэл гайгүй хэлтэй л байх хэрэгтэй юм байна. Одоо миний энэ бичвэрийг оюутан сурагчид уншаасай гэж хүсч байна. Чамд сурах цаг байгаа дээр нь сураад ав. Ажилчин болсон хойноо сурах шиг амаргүй зүйл байхгүй шүү. Аа харин над шиг амаргүй зүйл хийх гэж байгаа нөхдүүдэд хандаж хэлэхэд: Чадлынхаа чинээгээр чардайж, мэдлэгийнхээ хэрээр мэрий!!! Би англи хэлээ сайжруулахын тулд өдөр шөнөгүй л бэлдэж байна А-чгүй байсан гэхэд хөөрхий минь А б гээд холбох төдий болоод л байна. Эцэст нь хэлэхэд сургалтын төвд мөнгө төлөөд чи шууд англиар ус цас болно гэсэн бодлоо хая! Оронд нь твиттер фэйсбүүкт дуртай дуучин, Хайртай одооо дага! Англи хэл дээр кино үз, дуу сонс, гадаад залуустай чаатла танилц! Эцэст нь юүтүүбд зөндөө үнэгүй англи хэлний маш энгийн хичээлүүд байгаа тэднийг үз! Хичээл гэдэг утгаар биш, зүгээр дэлхийтэйгээ нийгэмшиж байна гэдэг утгаар хөгжилтэй байдлаар сурах гээд үз! Тус болно гэдэгт найдаж байна. Амжилт найзуудаа!!!!

Солонгос стиллэг хосууд :)

venera — Tue, 26 Jun 2012 04:03:23 GMT

Нас барсан хүү ээжтэйгээ уулзлаа :((

venera — Wed, 06 Jun 2012 07:27:09 GMT

"Үл таних эмэгтэй" шууд үзэх

venera — Sat, 28 Apr 2012 07:53:00 GMT

"Хайр харуусал" шууд үзэх

venera — Sat, 28 Apr 2012 07:46:12 GMT