Тухлан сууж таалан соёрхоорой

Хятад эрийн толгойнд дөрвөн жил зоолттой байсан хутганы 2.4 см урт хугархайг нь мэс заслаар авчээ.
Тэрбээр өнгөрсөн хугацаанд өвчнөө дарахын тулд өвчин намдаагч тариа хийлгэдэг байжээ. Ни гэдэг энэ эрийн толгой ихээр өвдөх болсон учир эмнэлэгт хандсан байна. Эмч нар түүний тархийг рентеген туяагаар харахад 2.4 см урт хутганы хугархай байхыг хараад ихээхэн цочирджээ.
"Бид өвчтөний аманд үзлэг хийхэд ямар нэг мэсний шарх сорви олоогүй. Хутганы хугархай тархинд нь яаж орсон нь тун гайхалтай” гэж эмч нар хэлжээ.
Харин Нигийн ярьснаар, тэрбээр дөрвөн жилийн өмнө дээрэмчинтэй зодолдож байхдаа баруун талын эрүүнийхээ доод хэсэгт хутгалуулж байжээ. Үүнээс хойш түүний толгой үе үе өвдөн хоолоо зажилж идэхэд хүндрэлтэй болжээ. Үүнээс гадна хоолой нь сөөх болжээ. Тэрбээр өмнө нь эмнэлэгт оношлогоо хийлгэсэн ч өвчний оношоо тогтоож чадаагүй аж.
Зэвэрсэн хутганы хугархай азаар түүний тархи болон нүүрний мэдрэлийн судсанд хүрээгүй байсан учир өдийг хүртэл амьд явж байжээ.