0:00:30 AM Хаврын улиралд хүмүүс нойргүйдэлд орох нь элбэгшдэг | |
Хаврын улирал эхлэхээр хүмүүсийн биеийн дархлаа суларч, ядаргаанд орох нь ихэсдэг байна. Үүнтэй холбоотойгоор сүүлийн жилүүдэд нойргүйтэлд өртөж байгаа хүмүүс ч ихээр нэмэгджээ. Өмнө нь зөвхөн ахимаг насны, тэр дундаа ахмадуудын дунд их тохиолддог байсан бол одоо дан ганц ахмадууд гэлтгүй бүхий л насныханыг хамрах болсон гэдгийг мэргэжлийн эмч нар хэлж байна. Ерөнхийдөө хүн өдөрт 6-8 цаг унтаж байвал хэвийн амарч байна гэсэн үг, харин энэ хугацаанаас багаар амарч байвал нойргүйтэлд орж байна гэж ойлгож болно гэнэ. Хүний биеийн болон оюун ухааны чадамж хүний зөв унтаж амрахаас ихээхэн шалтгаалдаг бөгөөд өдөрт зургаагаас доош цаг унтаж амарч, явснаас болж сэтгэн бодох чадвар буурч, ой санамж мууддаг байна. Нойроо дутуу авч байгаа хүн энгийн механик ажлаас өөр юу ч хийж чадахгүй. Нойргүйтлийн шалтгаан нь орчин үеийн амьдралын хэв маяг, стресс буюу сэтгэл санааны хямралтай шууд холбоотой. Тиймээс хавар цагт аль болох сэтгэл санаагаа тайван байлгаж, амин дэмээр баялаг хоол хүнс хэрэглэн, биеийн дархлаагаа сайжруулах хэрэгтэй. Орой болохоор нойр нь хүрэхгүйгээс шөнө дунд унтаж, өглөө хэтэрхий эрт сэрээд байвал нойргүйтэлд өртөж байна гэсэн үг. Нойргүйтлээс сэргийлэх энгийн арга бол аль болох оройд тогтмол цагт унтаж, өглөөд мөн л тогтмол цагт сэрэх. Мөн унтахынхаа өмнө орондоо ороод, сэрээд орноосоо босохынхоо урьд амьсгалын дасгал хийж байхыг эмч зөвлөж байна. | |
|
| |
| Total comments: 0 | |